Екипата на Еурофарм Пелистер кој во актуелната сезона ја одбрани титулата во ракометната Суперлига денеска објави продолжување на соработката со словенечкиот репрезентативец, Нејц Цехте.

Цехте во редовите на битолскиот состав пристигна минатото лето од ГОГ Гудме и стана еден од најстандардните во тимот, па така неговото продолжување на договорот е одлична вест за навивачите.

„Како дел од стабилизација на проектот и конструирање на тимот за иднина, РК Еурофарм Пелистер го продолжи договорот со словенечкиот репрезентативец Нејц Цехте. Десниот бек се обврза на договор на уште една година со шампионот на Македонија.

31-годишниот Цехте вгради многу во освојувањето на титулата првак на Македонија 2023/24 и со уште поголеми амбиции ќе влезе во следната сезона“, објави Еурофарм Пелистер на социјалните мрежи.

Договорот кој го потпиша Цехте е со важност до јуни 2025 година.