Легендарниот турски стратег Фатих Терим според информациите на странските медиуми ќе биде нов тренер на грчкиот гигант Панатинаикос.

Панатинаикос минатата година заврши како првопласиран во регуларната сезоан во грчката Суперлига, но во плеј-офот изгуби од АЕК и остана без титулата. Во овој момент тие се на второто место на табелата со бод помалку од првопласираниот ПАОК.

Наводно, најзаслужен за интересот кој го покажал Панатинаикос за Терим е кошаркарот на Панатинаикос Ергин Атман кој на претседателот на клубот му предложил да го доведе неговиот сонародник.

Фатих Терим е симбол на фудбалот во Турција и најголемо тренерско име во оваа земја. На трипати ја водеше репрезентацијата на Турција со која играше и полуфинале на Европското првенство во 2008 година.

Со Галатасарај каде што имаше четири мандати освои осум титули во првенството, пет Суперкупа и Куп на УЕФА. Термин беше тренер и во Серија А на Фиорентина и Милан. Последениот тренерски ангажман го имаше во Галатасарај во сезоната 2021/2022.

Panathinaikos ile anlaşan Fatih Terim yarın sözleşme imzalamak için Atina’ya gidiyor. pic.twitter.com/VKx0JHorjp

— Ertem Şener (@ertemsener) December 26, 2023