ЕУ мора да се придржува до меѓународното право при користењето на замрзнатите руски средства за да ѝ помогне на Украина. Претседателката на Европската централна банка (ЕЦБ), Кристин Лагард, оцени дека секоја одлука на Европската Унија да користи замрзнати руски средства за да ѝ помогне на Украина мора да биде во согласност со меѓународното право, објави Ројтерс, пренесува БТА.

„Очекуваме да видиме дека секоја шема што се дискутира и на крајот ќе биде презентирана во одреден момент ќе биде во согласност со меѓународните правила, меѓународното право“, изјави Лагард пред европратениците во Стразбур.

ЕУ моментално бара начини за финансирање на одбраната и реконструкцијата на Украина преку обезбедување на речиси 210 милијарди евра руски суверени средства замрзнати на Западот од почетокот на руската инвазија.