Ернесто Валверде го продолжи договорот со Атлетик Билбао
Шпанскиот фудбалски клуб Атлетик Билбао го продолжи договорот со главниот тренер Ернесто Валверде до 30 јуни 2026 година.
Препорачано
Валверде е најдолгогодишниот тренер на тимот од Ла Лига, кој има 451 натпревар и ќе го предводи тимот следната сезона во Лигата на шампионите откако потпиша едногодишен договор.
Клубот заврши на четвртото место во Ла Лига оваа сезона и стигна до полуфиналето на Лигата на Европа.
– Тој е вистинска легенда и заслужува признание од сите на „Сан Мамеш“. Неговите бројки се неверојатни. Ние сме тимот со најмалку примени голови во Ла Лига, со најмалку порази. Тој им даде простор на сите во сезона со 54 натпревари без губење на перформансите. Тој секогаш знае како да го погоди вистинскиот клуч во секој даден момент – вели директорот на клубот, Микел Гонзалез.
Валверде вели дека ова е важен предизвик и дека Лигата на шампионите е неверојатно возбудлива.
– Тоа е важен предизвик. Чувствувам одговорност тука, со тимот, со луѓето што работат тука. Кога сите заедно се бориме, ние сме силен тим, ќе видиме колку далеку можеме да стигнеме. Мора да продолжиме да се натпреваруваме, што е она што Атлетик секогаш го прави добро. Лигата на шампионите е неверојатно возбудлива. Тоа е многу тешко натпреварување и се надевам дека сите ќе уживаме. Тоа е друго ниво на кое мора се искачиме – се зборовите на Валверде за клупскиот сајт.
