Фудбалерот на Манчестер сити, Ерлинг Халанд, постигна извонреден подвиг за време на убедливата победа на „граѓаните“ од 5:2 над Јувентус во натпревар од групната фаза на Светското клупско првенство.

Норвежанецот го започна натпреварот од клупата, а му беа потребни само седум минути игра за да постигне гол.

Тоа беше неговиот 300 гол во кариерата, учинок кој успеа да го оствари во 371 натпревар.

За Манчестер сити, Халанд досега има 145 натпревари и 123 голови, додека за неговиот претходен тим Борусија Дортмунд, статистиката покажува – 86 голови во 89 натпревари.

За Молде има 20 голови, додека за Ред Бул Салцбург запиша 29. За најдобрата норвешка репрезентација, Халанд има уште поимпресивна статистика – 42 погодоци во 43 мечеви.