На 14 октомври од 15.00 часот на „Епет Арена“ во Прага, Чешка, македонската фудбалска А репрезентација ќе го игра новиот натпревар од квалификациите за ЕП 2024 против селекцијата на Украина.

Нашиот селектор Благоја Милевски го објави списокот од 25 фудбалери за претстојниот дуел со Украинците, како и за пријателската средба против Ерменија во Струмица на 17.00 часот од 15.00 часот.

За денеска е закажан официјалниот собир на најдобрите македонски фудбалери во х. Хилтон во Скопје.

Воедно дојде нова информација за дополнителен повик во А репрезентацијата на Македонија. Милевски го повика играчот на белгискиот клуб Вестерло, Ердон Даци, и тој ќе биде присутен на денешниот собир.

Овој 25-годишен напаѓач ја игра третата сезона за Вестерло, во новата до сега запиша четири настапи и еден гол кој го постигна пред два дена во победата над Кортријк (1:0) во тамошната белгиска Про лига.