Денеска во својот последен натпревар на Европското првенство за играчи до 20 години во Полска, македонската кошаркарска репрезентација во натпреварот за претпоследното 15 место триумфираше над Црна Гора со 81:69.

Тоа е единствената победа за избраниците на селекторот Боро Смилковски кои не успеаја да обезбедат опстанок во А дивизијата.

Претходно нашите кошаркарски надежи во текот на шампионатот претрпеа шест порази од Шпанија (93:38), Турција (90:55), Белгија (86:59), Словенија (82:71), Италија (92:70) и Исланд (116:87).

На дуелот против Црна Гора најефикасен во нашата селекција беше Теодор Симиќ со 15 поени следен од Никола Бојчев и Тома Стојаноски по 12.

На спротивната страна како прв стрелец се истакна Петар Миниќ со 17 поени, два помалку запиша Милорад Брајовиќ.