Македонската женска јуниорска репрезентација со денешниот натпревар против Хрватска ја заврши групната фаза од натпреварувањето во рамки на Европското Првенство за кошаркарки до 18 години, дивизија Б, кое од 30 јули се игра во Бугарија.

Избраничките на селекторот Никола Златев загубија од Хрватска со 43:96 односно 3:33, 14:24, 16:27 и 10:12 по четвртини.

Најефикасна во нашата селекција беше Лиле Миткова со 11 поени, а на спротивната страна Ивона Јаковљевиќ постигна 16 поени.

Со овој меч официјално заврши првичната групна фаза, а сега следат натпреварите од разигрувањето за конечен пласман на ЕП. Нашите кошаркарки, како петторангирани во групата „А“ од вкупно пет репрезентации, ќе разигруваат против Естонија во првиот дуел во борбата за пласман од 9-18 место на првенството.

РЕЗУЛТАТИ:

Португалија – Македонија 94:27
Македонија – Луксембург 55:91
Велика Британија – Македонија 71:54
Македонија – Хрватска 43:96