Во четвртфиналето од Купот на Италија фудбалерите на Емполи направија големо изненадување совладувајќи го Јувентус.

По регуларните 90 минути резултатот беше 1:1, поведе Емполи со голот на Малех во 24 минута.

„Старата дама“ успеа да дојде до израмнување во 66 минута со голот на Тирам.

Во пенал серијата Емполи беше подобар со 4:2 и така се пласираше во полуфиналната фаза.

Во ударите од белата точка сите фудбалери на Емполи беа прецизни, а кај Јуве не реализираа Влаховиќ и Јилдиз.

Познати се и полуфиналните двојки во Купот: Емполи – Болоња и Милан – Интер.