Емотивна објава на Златан Ибрахимовиќ: Мино, успеавме – беше неверојатно патување!
Златан Ибрахимовиќ пред 20 дена објави дека го напушта Милан, набргу потоа објави дека дефинитивно е готово – на 41 година ја заврши својата одлична фудбалска кариера.
Препорачано
Легендарниот напаѓач на социјалните мрежи објави писмо кое го посвети на сите клубови за кои настапуваше, но и на Мино Рајола, агентот кој имаше големо влијание за успехот на Швеѓанецот.
Ибра кариерата ја започна во Малме, потоа беше во Ајакс, во Италија играше за Јувентус, Интер и во два мандати за Милан, а го носеше и дресот на Барселона, ПСЖ, Манчестер јунајтед и Лос Анџелес Галакси.
– Се започна со сон. Сон кој се претвори невозможен во Јас сум возможен. Роден сум во Малме. Пораснав во Амстердам. Станав помудар во Торино. Станав лав во Барселона. Израснав во Милано, а во Париз добив нови перспективи. Стекнав издржливост во Манчестер и се забавував во Лос Анџелес. И тогаш конечно најдов мир во мојот дом во Милано.
Јас сум направен од тебе. А наследството што се надевам дека ќе го оставам зад себе се сите нови Златани направени од мене. Сите оние кои имаат лавовско срце. Сите оние кои го имаат запалениот оган во нивните очи. Сите оние кои навистина разбираат дека невозможното е ништо.
Благодарам за сè. Мино, успеавме! Патувањето заврши. Тоа беше неверојатно патување. Ми недостигаш – стои во објавата на Златан Ибрахимовиќ.
