Емотивна објава на Џими Кимел: „Викендов на син ми му беше направена третата операција на отворено срце“
Американскиот водител и комичар Џими Кимел објави дека неговиот најмлад син Били бил подлежен на трета операција на срцето.
Препорачано
Тој објави фотографија на која седумгодишното момче лежи во болнички кревет.
„Викендов, на нашиот Били му беше направена третата (се надевам последна) операција на отворено срце. Го поминавме ова искуство со многу оптимизам и исто толку страв…
Уште еднаш, докторите на Били и болничарите покажаа неизмерлива добрина и експертиза.
Шетањето низ болницата, средбите со родители кои се чувствуваат ранливо, децата во болка и чудотворците кои прават сè за да ги спасат е понизно искуство…
Им благодарам на сите непознати луѓе кои се молеа за нашето дете и праќаа позитивна енергија. Им благодарам на семејство и пријателите кои беа тука за нас.
Ѝ благодарам на сопругата Моли за тоа што е посилна од која било мајка. И, Били, ти си најсилното (и најзабавното) 7-годишно дете што го знаеме.
Има многу родители и деца кои немаат среќа да си одат од болницата по само пет дена…
Со многу љубов и благодарност, Џими“, напиша водителот.
Инаку, синот на Кимел има проблеми со срцето уште од самото раѓање, а водителот отсекогаш отворено зборувал за предизвиците со кои се соочува момчето.
„Го крстивме Били. Изгледаше како секое нормално и здраво бебе. Но, неколку часа подоцна дознавме дека има проблем со срцето.
Неговата пулмонална артерија беше целосно блокирана и имаше дупка помеѓу левата и десната страна на срцето“, изјави водителот во 2017-та во неговото шоу.
