Аргентинскиот чувар на мрежата Емилијано Мартинез втора година во низа го доби признанието за најдобар голман во светот во изборот на „Франс Фудбал“:

Во конкуренција за оваа награда беа уште: Џанулиџи Донарума,  Андреј Лунин, Мајка Мањан и Унаи Симон.

„Благодарност до сите кои гласаа за мене не очекував дека втора година во низа ќе ја освојам оваа престижна награда. Секогаш сум скромен и чесен, иако понекогаш на теренот не изгледам така. Но, едно е кога се борите на теренот, друго кога сте во опуштена атмосфера со вашите пријатели“, изјави Мартинез.

Најголемиот успех во изминатата сезона Мартинез го оствари со репрезентацијата на Аргентина со која триумфираше во Копа Америка, додена клупски план во Астон Вила играше финале во Конференциската лига и на 34 натпревари само осум пати ја сочува својата мрежа.