Во вторник ќе продолжат натпреварите од фудбалската Лига на шампионите, а сигурно поголемо внимание ќе привлече мечот помеѓу Наполи на Елиф Елмас и Реал Мадрид.

Овој дуел ќе се игра од 21.00 часот во Неапол, а главен судија ќе биде Клемен Турпан од Франција.

Поранешниот македонски судија, Емил Божиновски доби уште едно големо признание, тој ќе биде УЕФА судиски контролор на дуелот на стадионот „Диего Армандо Марадона“.

По првото коло во групата „Ц“ Наполи и Реал Мадрид имаат по три бодови, а ниту еден Брага и Унион Берлин.

Обврска доби и македонскиот судија Јован Качевски кој ќе дели правда на натпреварот од првото коло во младинската Лига на шампиони за фудбалери до 19 години помеѓу Динамо Загреб и Истанбул Башакшехир на 4 октомври од 14.00 часот. Помошници на Качевски ќе му бидат сонародниците Слаѓан Маркоски и Бранко Путилин.