Најмалку пет деца загинале, а 17 се повредени при експлозија на боца со гас, која била користена за надувување на балон пред училиште во Дака, соопштила денеска полицијата во Бангладеш за медиумите.

Локалниот полициски функционер Абдул Калам Азад, рекол дека експлозијата одекнала при продажба на балони на деца кои живееле во околната сиромашна населба во областа Рупнагар во Дака.

Азад известил и дека бројот на мртви не е конечен.

Причината за експлозијата засега не е позната.