Експертите предупредуваат: Овие пет видови храна не треба да ги замрзнувате
Замрзнувачите можат да бидат вистински спасител кога станува збор за намалување на отпадот од храна дома. Нo, во некои случаи замрзнувањето на храната може сериозно да го уништи вкусот или текстурата, па затоа најдобро е да го избегнувате доколку сакате состојките да траат подолго.
Препорачано
Многу видови храна и оброци може лесно да се складираат доколку немате време да ги јадете свежи, со што се продолжува нивниот рок на траење и спречувајќи непотребно фрлање храна. Меѓутоа, ако вашиот простор за складирање е ограничен, оптимизацијата станува клучна.
Тоа значи чување само соодветна храна, а според експертите за потрошувачи, постојат одредени производи кои не треба да се чуваат во замрзнувач бидејќи може да се уништат, наведува „Експрес“.
Јајца
Поточно, тврдо варени или цели јајца. Експертите предупредуваат: „Може да се прошират и да пукаат или да станат гумени и невкусни“. Ако сакате да замрзнете јајца, прво треба да ги скршите или да ги одвоите белките од жолчките или да ги изматите заедно пред да ги ставите во замрзнувач.
Јогурт и павлака
Млекото и сирењето често може да се замрзнат без значително да се влијае на нивниот вкус или текстура, но тоа не е случај со јогуртот и павлаката. Експертите советуваат: „Ако одлучите да ги замрзнете овие намирници, подгответе се за потенцијално водена и зрнеста конзистентност“.
Одмрзната храна
Експертите нагласуваат и дека веќе одмрзнатата храна не треба повторно да се замрзнува. Тие предупредуваат: „Колку повеќе пати нешто замрзнете, толку е поголем ризикот од труење со храна“.
Краставици, зелена салта и лубеница
Најдобро е да избегнувате замрзнување на овошје и зеленчук со висока содржина на вода. Според стручните совети: „Водата во нив се шири и ги оштетува клеточните ѕидови. Кога ќе почнат да се одмрзнуваат, останувате со кашеста маса“.
Пржена храна
Експертите сугерираат да се избегнува замрзнување на домашна пржена храна бидејќи ретко излегува добро. Предупредувањето е јасно – ќе го изгубите вкусот и острината, што ќе резултира со водено разочарување, дури и ако се обидете повторно да ја пржите.
