Како што стареат, многу луѓе го губат слухот, а заштитата на слухот е многу важна бидејќи всушност го штити здравјето на мозокот.

Во списанието за здравје „Лансет“ пишува дека губењето на слухот е водечкиот модифициран фактор на ризик за когнитивно опаѓање кај луѓето.

Затоа аудиологот Џои Ремeни предупредува дека никогаш не треба да правиме една работа.

„Изложеноста на гласна бучава без заштита е нешто што секогаш треба да се избегнува. Гласната бучава нè загрозува повеќе отколку што мислиме“, вели аудиологот Џои Ремeни.

Тој истакнува дека слухот не е под влијание само на концертите, огнометите и гласните машини, туку и гласните забави.

„Колку е погласна бучавата, толку е поголема шансата за оштетување на клетките на внатрешното уво и колку е подолго времето на изложување, толку е поголем ризикот од трајно губење на слухот“, објасни тој.

Но, ја посочува и втората најлоша работа што можеме да ја направиме за нашиот слух, а тоа е да користиме стапчиња за чистење на нашите уши.

„Со стапчињата, ние всушност го туркаме церуменот (ушна маст) подлабоко во ушниот канал. Ова може да предизвика акумулација на церумен, што понекогаш може да биде болно да се отстрани. Исто така, стапчињата може да го пробијат тапанчето ако ги туркаме премногу длабоко во увото, што доведуваат до долгорочни проблеми со слухот“, предупредува аудиологот.

Губењето на слухот понекогаш е привремено и природно ќе се врати во рок од 48 часа, но сензоневралното губење на слухот не може да се врати. Откако ќе се оштети внатрешното уво, тоа е трајно.