Поранешниот министер за градежништво, транспорт и инфраструктура Горан Весиќ, за кого е распишана потерница како дел од истрагата за реконструкцијата на железничката станица во Нови Сад, утрово бил опериран во приватна специјална хируршка болница во Белград, објави Нова.рс.

Весиќ бил примен во болница синоќа поради силни болки во стомакот, треска и повраќање, слабост и дехидратација. По приемот, неговата здравствена состојба, наводно, се влошила, а по набљудувањето и дијагностиката, тој бил опериран во раните утрински часови.

Како што дознава „Нова.рс“, тој бил однесен во приватна болница. Кога медиумот ја контактирал болницата, персоналот не негирал дека министерот бил опериран таму, но одбија да дадат какви било информации за неговата здравствена состојба.

Кратко по веста за здравјето на поранешниот министер, пристигна информација дека по него е распишана потерница како дел од финансиската истрага на Обвинителството за организиран криминал за реконструкцијата на железничката станица во Нови Сад.

Акцијата за апсење на Јавното обвинителство, која трае од утрово, е поврзана со уривањето на настрешницата на Железничката станица во Нови Сад на 1 ноември минатата година.