Поранешниот играч на Манчестер јунајтед, 28-годишниот Ентони Марсијал пронајде нов тим.

Французинот постигна вербален договор со АЕК Атина, објави новинарот Матео Морето.

Ако напаѓачот потпише со „двоглавите орли“, тогаш ќе стане најскапиот фудбалер во историјата на грчкиот клуб.

АЕК го таргетираше напаѓачот на Челси, Давид Датро Фофана, но договорот не се оствари и играчот од Брегот на Слоновата Коска се пресели во турскиот Гезтепе.

Марсијал стана слободен играч откако му истече договорот со „црвените ѓаволи“. Интерес за него имаше од француски и бразилски клубови.