Европската ракометна федерација донесе одлука за реваншот од четвртфиналето на Европскиот куп меѓу Партизан (Србија) и АЕК (Грција).

Реванш мечот беше одложен на 30 март поради безбедносни причини во СЦ „Вождовац“ во Бањица поради испад на навивачите на домашниот клуб.

Грчкиот претставник не се врати повеќе на теренот, по што судбината на овој натпревар ја решаваше ЕХФ која одлучи истиот да биде презакажан на неутрално место, кое нема да биде ниту во Србија ниту во Грција.

Точната локација и време ќе бидат објавени подоцна, а се шпекулира дека возвратниот дуел би можел да одигран во Македонија.

Со оглед на безбедносните грижи ноќта меѓу недела и понеделник, ЕХФ ја разгледува можноста натпреварот да се одигра без публика.

Во ова клупско натпреварување веќе се познати три полуфиналисти, формирана е првата полуфинална двојка Алкалоид (Македонија) – Рунар (Норвешка).

Босанскиот Извиѓач го чека победникот од двомечот Партизан – АЕК, потсетување дека на првиот дуел Грците славеа со 27:22.