Продолжува настапот на македонските борачи за обезбедување норма, учество на Летните олимписки игри во Париз.

Во текот на вчерашниот ден нашата натпреварувачка Вероника Рјабоволова не успеа да ја оствари целта, беше убедливо поразена од Романката Андреа Ана.

Кај мажите денеска во категоријата 57 кг. успешно стартуваше Владимир Егоров со две победи.

Најпрвин во осминафиналето со 10:0 го елиминира Французинот Илман Мухтаров, а во четвртфиналето со 3:2 триумфираше над Роберти Дингашвили од Грузија.

Противник на Егоров во полуфиналната фаза ќе се бори против Алибабас Разаде од Азербејџан. Овие двајца борачи се сретнаа и во финалето на Европското првенство во Будимпешта, Унгарија, во 2022 година, кога македонскиот борач беше подобар Разеде и стана европски шампион.