
Ефес го урна Реал за важен триумф во борбата за плеј-ин
Анадолу Ефес го совлада Реал Мадрид во натпреварот од 25 коло на Евролигата со 79:73 во Центарот за развој на кошарката во Истанбул.
Препорачано
Ефес и Реал Мадрид одиграа интересен натпревар, а турскиот тим го одбрани домашниот терен и успеа да му одолее на „кралскиот клуб“ кој претрпе пораз на овој натпревар од Евролигата на гости.
Ефес до победата го предводеа Брајант со 21 поен, Поаре со 15 и Томпсон со 12 поени. На другата страна за шпанската екипа, Марио Хезоња постигна 18 поени, Фернадно и Гонзалес постигнаа по 11 поени, а Абалде постигна 10 поени.
Првата четвртина им припадна на турскиот тим со резултат 25:17, додека на полувремето беше изедначено (38:38). Третата четвртина му припадна на Реал, а последната четвртина мина во доминација на домашните.
Во последната четвртина Реал Мадрид постигна само 12 поени, додека Ефес доминираше со 23 и со тоа ја забележа 12-та победа во досегашниот тек на Евролигата.
Тимот на Лука Банки има 13 порази и сега е на 12. место во Евролигата. Што се однесува до Реал, ова е 12. пораз, а имаат и 13 победи со што се наоѓаат на 10. место во Евролигата.
Се одигра уште еден меч во вторникот, Жалгирис Каунас убедливо со 73:53 славеше над Алба Берлин.