Пирето е едно од највкусните прилози за месни јадења, но само доколку ги знаете сите тајни на правилната подготовка, пишува „Живим“.

Па, кој компир е најдобар?

Црвен компир – има низок процент на скроб и цврсто месо, па затоа не е погоден за пире. Овој вид компир е најдобар за печење во рерна, на скара или за пржење.

Бел компир – има брашнест состав што лесно пука при варење. Погоден е за подготовка на крокети, кнедли и пире.

Млад компир – ситен бел компир, одличен за варење, но треба да се вари со кората за да не се распадне.

Откако ќе го одберете вистинскиот компир, следниот чекор е изборот на соодветен прибор за претворање на сварениот компир во пире.

Класична гмечалка – добивате пире со покрупна текстура и ситни парчиња компир. Ова пире е добар за разни сосови, бидејќи добро впива течност.

Пасирка – за совршено кремасто пире.

Миксер – само во краен случај и при голема брзина, но со еден додаток и на најниска брзина, за да не се претвори пирето во леплива маса.

Блендери, соковници и кујнски роботи – апсолутно не се препорачуваат, бидејќи пирето станува премногу густо и лепливо.

Четири едноставни правила за пире со богат вкус

1. Сварете го компирот сосе кора

Кората спречува распаѓање и впивање премногу вода. Ставете го компирот во тенџере со ладна вода, постапка што многумина не ја прават.

2. Нека испари вишокот вода

Откако ќе го изгмечите, вратете го во тенџере и варете 10 минути на умерен оган за да испари вишокот вода. Така подобро ќе впие путер.

3. Додајте путер пред млекото

Путерот се додава прв и се меша додека не се впие, за да се добие воздушесто пире.

4. Додајте топло млеко

Млекото треба да биде топло за да не се излади пирето и да не стане лепливо. Количината ја одредувате според тоа колку меко сакате да биде пирето.

Рецепт за традиционално пире

Потреби состојки (за 6 лица)

• 1 кг компири
• 1,2 дл полномасно млеко
• 60 г путер
• Сол

Подготовка:

Ставете ги компирите во големо тенџере, прелијте со вода и варете додека не зоврие. Намалете ја температурата и варете уште 20 минути, додека компирите не омекнат.

Извадете ги, оставете ги да се оладат, излупете ги, испасирајте ги и вратете ги во тенџерето. Варете 2 минути со постојано мешање.

Загрејте го млекото. Додајте го путерот во пирето, па потоа постепено додавајте го млекото, мешајќи додека целосно не се впие.

Додајте сол по вкус, а за поинтензивен вкус, може да додадете 50 г пармезан.