Округло јајце, толку ретко по форма што го опишуваат како „едно во милијарда“, е продадено на аукција во англискиот град Ексетер за 420 фунти или нешто повеќе од 500 евра, јавува „Би-би-си“.

Алисон Грин, работничка во фармата Фентон во близина на границата со Сомерсет, пред Божиќ ја забележала необичната форма на јајцето, па решила да го продаде на аукција. Грин на оваа фарма работи три години, а за тие три години наишла на повеќе од 42 милиони јајца, но ниту едно не било вакво.

A perfectly round egg was sold for more than $500 at an auction in England. pic.twitter.com/zgy1OVbI8C

— Pop Crave (@PopCrave) March 19, 2025

Јајцето било продадено на аукцијата „Bearnes Hampton Littlewood Auctioneers“ во Ексетер за нешто повеќе од 500 евра, а целиот приход бил даден во добротворната организација „Devon Rape Crisis“.

Слично нешто се случи на почетокот на оваа година, кога една жена пронашла слично округло јајце во кутија со јајца во продавница во Шкотска. Таа решила да го продаде и за јајцето добила 150 фунти (околу 180 евра), а купувачот го продал јајцето за 200 фунти (околу 240 евра), и целиот приход бил дониран на здравствена организација.