Вчера во италијанското првенство екипата на Аталанта триумфираше на гостувањето кај Болоња со конечен резултат 0:1. Стрелец на единствениот гол беше интернационалецот од Гвинеја, Мустафа Елхаџи Сисе во 82 минута од средбата. Аталанта во генералниот пласман во шампионатот се наоѓа на петтото место со 51 бод.

Начинот на кој Сисе стигна до една од најсилните лиги во Европа (Серија А) е неверојатен. Покажа дека во спортот, како и во животот сè е можно.

Дојде во Италија на 16-годишна возраст, како бегалец од Гвинеја, со многу тешка историја зад себе по исчезнувањето на неговиот татко. Гвинеецот, роден во 2003 година, пристигна на периферијата Саленто и таму почна да ја гради својата кариера.

А почна да ја гради во тим составен исклучиво од бегалци и азиланти од Африка, клуб за кој е задолжен Сенегалец, кој сака да им даде шанса за подобар живот на секој што ќе пристигне во Италија од африканскиот континент.

Екипата од Лече стартуваше како третолигаш во аматерско натпреварување, додека сега е во вториот ранг што го претставува вкупно осмиот ранг на италијанскиот фудбал. Тоа не ги спречи скаутите на Аталанта да го видат младиот Сисе и да го доведат во Бергамо, каде што пристигна на 23 февруари, а само четири дена подоцна постигна два гола против Милан во Примавера лигата за млади фудбалери, а набргу потоа и победнички гол во победата на младиот тим на Аталанта против Наполи (1:0).

Џанпјеро Гасперини го прекомандуваше во првиот тим, беше на клупата на натпреварот против Џенова и Аталанта. На дуелот во Болоња, тренерот Гасперини му даде шанса на Сисе да дебитира и настапи од 65 минута, а тој му возврати на најдобар можен начин – со гол за три бода во 82 минута.

Moustapha Cissé made his Serie A debut tonight, scoring in a 1-0 win for @Atalanta_BC.

He was signed by the youth academy last month, spotted playing for ASD Rinascita Refugees, a club of foreign players seeking asylum in Italy, who play in the 8th tier.

What a story. pic.twitter.com/l37sozz4v5

— FIFA.com (@FIFAcom) March 20, 2022