На неколку локации во Нови Сад денеска се собраа граѓаните за да им оддадат почит на 16-те жртви што точно пред 11 месеци, на 1 ноември минатата година, загинаа по падот на натстрешницата на железничката станица.

Единаесет месеци од трагедијата беше одбележана во 11:52 часот, а граѓаните, стоејќи во тишина, им оддадоа почит на загинати.

Бетонската натстрешница на железничката станица во Нови Сад се урна само четири месеци по свеченото отворање на реконструираната зграда.

По трагедијата, во Србија од крајот на минатата година почнаа да се одржуваат масовни антивладини протести предводени од студентите, со кои се бара одговорност за несреќата во Нови Сад.

Освен во Нови Сад, комеморативни собири денеска имашево Белград, Крагуевац, Ниш, Прокупље, Суботица и во други градови.