Заматениот вид може да биде еден од знаците за опасно висок крвен притисок, предупредуваат лекарите.

Како што објави британски „Сан“, високиот крвен притисок, состојба позната и како хипертензија, погодува секој трет возрасен Британец. Ако не се лекува, може да доведе до зголемен ризик од срцеви болести и мозочен удар.

Освен вообичаените симптоми кои укажуваат на зголемен крвен притисок како главоболка, крвавење од носот, замор, отежнато дишење, забрзано чукање на срцето и зуење во ушите, лекарите издвоија уште еден симптом за кој веруваат дека исто така сигнализира висок крвен притисок. Станува збор за проблеми со видот, поточно замаглен вид којшто само ретки луѓе го поврзуваат со висок крвен притисок.

Како што е објаснуваат од Американското здружение за срце, недостатокот на проток на крв во мрежницата доведува до заматен вид или целосно губење на видот, а токму луѓето со висок крвен притисок се изложени на уште поголем ризик да ја развијат оваа состојба. Високиот крвен притисок може да предизвика и таложење на течност под мрежницата, што го нарушува видот.