Британскиот музичар Ед Ширан (34) откри дека некој се обидел да провали во неговата куќа, по што ангажирал 24-часовно обезбедување за неговите деца, сопругата и за себе – и тоа за секој од нив поединечно.

Ед Ширан откри дека ангажирал 24-часовно обезбедување за себе и своето семејство поради загриженост од „опасни луѓе“.

Кантавторот зборувал во најновата епизода на поткастот на Луис Теру, па ги спомнал својата сопруга Чери Сиборн и нивните две ќерки.

„Мислам дека постои поинаков вид нормалност што доаѓа со нашата работа. Имам 24-часовно обезбедување во куќата. Имам обезбедување посебно за децата, посебно за мојата сопруга и посебно за мене, бидејќи со текот на годините се случија неколку чудни работи“, истакнал Ширан.

Со оглед на тоа што неговото признание го шокирало водителот на поткастот, Ширан појаснил: „Само да знаете, има многу опасни луѓе. Имавме, знаете, обид за провала.“

„Во мојата работа, тоа е нормално. Тоа е како скриена работа за која никој всушност не зборува, но е составен дел од животот на јавните личности.“

ВИДЕО | Индиската полиција го прекина уличниот настап на Ед Ширан: „На Бангалор не му треба уште еден уличен метеж“

ФОТО | Ед Ширан има нова восочна фигура: Изгледа како лоша копија на Борис Џонсон