Американскиот актер Ерик Дејн, најпознат по улогата на Марк Слоун во хит-серијата „Вовед во Анатомија“ (Grey’s Anatomy), е снимен во инвалидска количка откако му била дијагностицирана амиотрофична латерална склероза (ALS).

Актерот бил фотографиран на аеродромот во Вашингтон, а еден фоторепортер му порачал да не ја губи надежта и му посакал сè најдобро, на што Дејн кратко одговорил: „Фала, брате“.

Извор близок до актерот за „Daily Mail“ изјавил дека Дејн сега живее во сегашниот момент, целосно свесен дека можеби нема да го дочека следниот ден.

„Сака да живее и не сака луѓето да тагуваат додека тој се бори со оваа тешка болест. Само сака да бидат присутни во неговиот живот и што е можно посреќни. Позитивната енергија е тоа што го движи напред“, додал изворот.

💔💔heartbreaking update on Eric Dane decline, 52, is now in a wheelchair and struggles to speak ‼️ pic.twitter.com/kKLH4Hzpo2

— Make Europe Great Again – M.E.G.A (@ScaryEurope) October 1, 2025

Неговата сопруга, актерката Ребека, неодамна зборуваше за тоа како болеста влијае врз нивните ќерки: 15-годишната Били и 13-годишната Џорџија.

„Скршено ми е срцето. Моите девојчиња навистина страдаат, а ние се обидуваме да го преживееме ова. Ова е навистина тежок период“, изјави таа за магазинот „Пипл“.

АЛС е тешка невролошка болест која ги напаѓа моторните неврони – нервните клетки одговорни за пренос на сигнали од мозокот до мускулите. Со прогресија на болеста, мускулите постепено ја губат функцијата, што влијае на говорот, голтањето и дишењето.