Британскиот актер и комичар Саша Барон Коен, познат по улогата на Борат и актерката Исла Фишер се разведуваат по 14 години брак, пишува „Пејџ сикс“.

Саша и Исла се разделиле минатата година во тајност. Сега, актерите проговорија за разводот преку објава на социјалните мрежи.

„По долгиот тениски меч кој траеше повеќе од 20 години, конечно ги спуштаме рекетите. Во 2023 година, заеднички поднесовме барање за крај на нашиот брак. Наш приоритет отсекогаш била нашата приватност, а оваа промена ја поминавме во тишина. Засекогаш ја споделуваме нашата посветеност и љубов кон нашите деца“ – напиша Исла.

Инаку, Саша и Исла се запознале во 2001 година. Тие се свршија во 2004 година и како подготовка за нивната венчавка, Фишер се  преобрати во јудаизмот, религијата на Коен, на почетокот на 2007 година. Тие се венчаа на интимна церемонија во Париз на 15 март 2010 година. Заедно имаат три деца, ќерките Олив и Елула и синот Монтгомери.