Возачот на „Гресини“, Енеа Бастијанини беше победник на Големата награда на САД, четврта трка оваа година во Мото ГП шампионатот.

Италијанецот кој го носи прекарот „Ѕверот“, во Тексас ја запиша втората победа сезонава.

Славеше со две секунди предност во оснос на Алекс Ринс на „Сузуки“, додека трет беше возачот на „Дукати“, Џек Милер.

Марк Маркез, рекордер со седум победи во Остин, имаше херојска трка откако се врати по паузата поради проблеми со видот. Осумкратниот светски првак падна на самиот почеток, но на крајот стигна до шестото место, со половина секунда зад Франческо Бањаки. Бранителот на титулата Фабио Квартаро го зазеде седмото место.

Бастијанини е на врвот во генералниот пласман со 61 бод, пет повеќе од Рунс, додека Алеиш Еспаргаро е трет со 50. Следната трка ќе се вози на 24 април за Големата награда на Португалија.