На 1 јуни 2025 година во Пирот, Србија се одржа меѓународниот турнир „Победникот на Пирот“ на кој учество зедоа околу 300 натпреварувачи од 39 клубови и осум држави.

Македонскиот Џудо Клуб Сеишин Прилеп настапи со четири натпреварувачи при што се освоени три медали од кои два сребрени и еден бронзен.

Од резултатите поединечно, Иван Јошески и Јована Цветкоска беа второпласирани, додека Дила Пупаловиќ се најде на третата позиција.

Воедно од клубот известуваат дека одлични борби прикажа и Марко Марковски, но не успеа да избори место на пиедесталот.

Екипата на турнирот во Пирот ја водеа Мартин Ристески и Дарко Јошески. ЏК Сеишин Прилеп продолжува со подготовки за настап веќе следниот викенд на два меѓународни турнири.