На 22 јуни во Гнилане, Косово, се одржа меѓународниот турнир во џудо во организација на ЏК Гнилане – Косово.

Македонскиот џудо клуб Сеишин – Прилеп кој беше предводен од Марио Тошески на овој турнир зеде учество со вкупно шест натпреварувачи.

Клубот успеа да освои пет медали од кои два златни, еден сребрен и два бронзени.

Со злато се закитија Елдина Пупаловиќ и Јована Цветкоска, второпласирана беше Дила Пупаловиќ, а на третата позиција се најдоа Арсениј Димески и Матеја Николоска.

Одлични борби имаше и Владан Стрезоски, но не успеа да избори место на пиедесталот.

Џудо клубот Сеишин е задоволен со остварените резултати и продолжува со активности во следниот летен период. За одредени членови практично нема да има летна пауза заради активностите кои следуваат.