Џорџ и Амал Клуни бараат 250 илјади долари од гостите за да присуствуваат на нивната хуманитарна забава
Американскиот актер Џорџ Клуни и неговата сопруга Амал бараат речиси 250.000 долари од гостите за да присуствуваат на нивниот раскошен хуманитарен настан на нивниот имот на италијанското езеро Комо, пишува „Дејли мејл“.
Препорачано
Џорџ Клуни и неговата сопруга ќе бидат домаќини на петдневен прибирање средства за Фондацијата за правда на Клуни, за време на кој ќе бидат домаќини на 16 гости, од кои се очекува да платат 173.000 долари за присуство на настанот и задолжителна минимална донација од 60.000 долари по лице.
За тие пари, гостите на хуманитарниот настан на Клуни ќе уживаат во двокреветни соби во хотел лоциран во вила од 18 век, со поглед на езерото.
Тие ќе можат да уживаат и во ексклузивна „градинарска забава“ со Клуни и неговата сопруга на третиот ден од настанот, но не и во вилата „Олеандра“ на Клуни, која ја поседува повеќе од две децении и има 25 соби и тениско игралиште.
За време на настанот, учесниците ќе имаат и приватна вечера со тимот на Фондацијата Клуни за правда, подготвена од готвачи од светска класа, а планирани се и патувања со брод по езерото.
ФОТО | Џорџ Клуни изненади со промена на имиџот: Препознатливата седа коса ја обои кафеава
