Џон Лојд го спореди Алкараз со животно
Според некогашниот британски број еден, Шпанецот е како животно на теренот. Британецот ја направи споредбата во позитивна смисла, но којзнае колку тоа му се допаднало на Алкараз
Поранешниот финалист на Австралија опен, Џон Лојд, верува дека актуелниот светски рекет број 1 Карлос Алкараз е како животно на теренот.
Препорачано
-
1
-
2
-
3
Алкараз ќе го започне својот настап на Вимблдон 2023 утре, како прв носител. Неговото отворање ќе биде против Французинот Жереми Шарди.
Поранешниот британски број 1, Лојд, упати пофалби за Алкараз (20), кој според него брзо учи.
– Момчето е животно. Го гледав на турнирот во Квинс, тој е вистински кандидат за титулата на Вимблдон. Во првото коло на Квинс имаше среќа да се провлече, а јас мислев дека има долг пат пред него. Но, тој брзо „порасна“ во следните три кола. Тоа е како од 10-годишна возраст да дојдете до 25 години, за една недела, во смисла на учење како се игра на трева – вели Лојд.
Алкараз и покрај тоа што го освои САД Опен минатата година, допрва треба да даде резултати на тревнатата подлога на Вимблдон каде што неговиот најдобар настап беше минатата година, кога испадна во четвртата рунда откако претрпе пораз од Италијанецот Јаник Синер со резултат 6-1, 6-4, 6-7, 6-3.
