Четвртата тенисерка во светот, Американката Џесика Пегула денеска се пласираше во полуфиналето на Отвореното првенство на САД, откако ја победи Барбора Крејчикова од Чешка со 2:0 во сетови 6:3, 6:3.

Пегула ја победи 62-рангираната тенисерка на ВТА листата по еден час и 27 минути игра.

Американката пет пати направи брејк на сервисот на противничката, додека Крејчикова направи два брејка.

Во полуфиналето, Пегула ќе игра со подобрата тенисерка од дуелот Арина Сабаленка – Маркета Вондроушова.

Вториот полуфинален пар во женска конкуренција ќе се дознае по одигрувањето на мечевите Аманда Анисимова – Ига Швјонтек и Каролина Мухова – Наоми Осака.