Шеесет и петгодишната актерката Џејми Ли Кертис отворено зборуваше за сознанието дека „наскоро ќе умре“. Оваа информација предизвика голем пресврт во нејзината кариера.

Актерката се прослави во 1978 година со улогата во филмскиот серијал „Ноќта на вештерките“, а актерската кариера ја продолжи до денес, појавувајќи се во бројни популарни филмови.

Но, по сознанието дека деновите ѝ се „броени“, Кертис реши посериозно да се посвети на улогата на продуцент на неколку филмови од серијалот „Ноќта на вештерките“, вклучувајќи го и филмот од 2018 година, како и на филмовите „Најдобро лето“ и „Тајмери“. Но, неодамна, во интервју за „Ентертејмент викли“, таа откри: „Дури во улогата на продуцент ја спознав своја сила кога сфатив дека наскоро ќе умрам“.

„Кога наполнив 60 години, тоа беше вистинска пресвртница. Сфатив дека сè што држам во мојата глава, срце, ум, душа, дух и животна енергија ќе умре со мене ако не го изнесам на светот“, додаде таа.

Ова сознание ја поттикна сериозно да се заложи за основање сопствена продуцентска компанија за филмови, телевизија и поткасти наречена „Комет пикчрс“ во 2019 година.

Кертис додаде: „Тоа беше мојот момент на вистината, и тогаш отидов кај големиот продуцент Џејсон Блум и му реков: Сакам продукциска куќа“.

Нејзиниот последен проект како продуцент е претстојниот документарен филм за фитнес иконата Сузан Паутер од 90-тите.