Турскиот кошаркар Џеди Осман роден во Охрид, Македонија, ќе потпише договор со Панатинаикос, објави претседателот на грчкиот клуб Димитрис Јанакопулос.

Осман се враќа во Европа откако лани беше дел од Сан Антонио спарс, а претходно шест години играше за Кливленд кавалирс.

Во претходниот европски мандат играше за Анадолу Ефес, но не соработуваше со сегашниот тренер на Панатинаикос, Ергин Атаман, кој го презеде тимот од Истанбул кога Осман замина во НБА во 2017 година.

Минатата сезона 29-годишниот играч имаше просек од 6,8 поени, 2,5 скока и 1,7 асистенции по натпревар.

Претходно интерес за услугите на Осман покажаа и екипите на Реал Мадрид и Партизан.