Македонија била и е бугарска. Северна Македонија е нешто друго, тука заслугата е на Тито, пишува на Фејсбук бугарскиот европратеник Ангел Џамбаски.

Одговарајќи му на претседателот Стево Пендаровски, тој вели дека со „забрани за влез во земјата нема да се избрише вистината“.

Пендаровски вчера за време на состанокот на Советот за безбедност предложил забрана за влез во државата за еден пратеник и повеќе лица од Бугарија.

Напоменувајќи дека тој според неговите надлежности може само да предложи ваква мерка, рече дека предлогот за забрана на влезот во Македонија се однесувал на повеќе лица од Бугарија, меѓу кои и еден пратеник на земјата во Европскиот парламент. Иако не го спомена по име Ангел Џамбаски, претседателот во одговор на новинарско прашање не негираше дека се работи токму за бугарскиот европратеник, кој неодамна беше во Скопје на одбележувањето на годишнината од смртта на Мара Бунева.

ВИДЕО | Пендаровски: Предложив да им се забрани влез во земјава на повеќе лица од Бугарија

Милков нека прошета до Ваташа да види дел од традицијата на колежи и насилство, порача Пендаровски