Репрезентацијата на Србија во Стара Пазова ги започна подготовките за првите квалификациски натпревари за пласман на Европското првенство 2024 против Литванија и Црна Гора.

Новиот претседател на Српската фудбалска федерација, Драган Џајиќ на тренингот ги посети најдобрите српски репрезентативци.

В петок играчите на Драган Стојковиќ Пикси во Белград ќе бидат домаќини на Литванците, а три деан подоцна ќе гостуваат во Подгорица кај Црногорците.

Џајиќ е убеден дека Србија е најквалитетна фудбалска репрезентација во регионот.

– Сакам да ве поздравам сите и да ви посакам среќа на почетокот на еден нов циклус, кој сите очекуваме да заврши позитивно, односно да се пласирате на ЕП. Нема причина да размислувате негативно. Убеден сум дека сте најдобрата фудбалска репрезентација во регионот и дека тоа ќе го докажете уште еднаш на теренот. Чекор по чекор. Никој од нас нема волшебно стапче, но со добрата атмосфера во тимот и со пристапот кој досега го имавте кон репрезентативните обврски, мислам дека нема причина за грижа – вели Џајиќ.