Квалификациите за Европското првенство 2024 во Германија се завршени, познати се 21 учесник, а останатите три ќе го дознаеме во март следната година по плеј-офот во Лигата на нации. УЕФА ги објави шеширите пред жрепката која е закажана за 2 декември во Хамбург од 18.00 часот.

Фудбалската репрезентација на Србија го освои второто место во квалификациската група „Г“ зад првопласираната Унгарија. Србите се во последниот четврти шешир заедно со Италија и Швајцарија, како и победниците од плеј-офот во Лигата на нации.

Европско првенство 2024

Прв шешир: Германија, Португалија, Франција, Шпанија, Белгија, Франција
Втор шешир: Унгарија, Турција, Романија, Данска, Албанија, Австрија
Трет шешир: Холандија, Шкотска, Хрватска, Словенија, Словачка, Чешка
Четврти шешир: Србија, Италија, Швајцарија и три победници од плеј-офот во Лигата на нации

За своите желби пред жрепката зборуваше претседателот на Фудбалската федерација на Србија, Драган Џајиќ:

– Сите имаме право на желби, но желбите се едно, а реалноста друго. Кој и да го извлечеме е тежок противник. Не можам сега јас да кажам само не Германија, Шпанија, Франција…Тешки се, но и Романија, не дај Боже Албанија. Сите тие можат да ни направат одреден проблем. Треба да ги цениме нашите успеси и нашите играчи, но да не преценуваме. Мора да бидеме реални за да го направиме тој чекор напред – се зборовите на Џајиќ.