Две години по најголемото заклучување во светот, Индија се враќа во нормала
Речиси две години откако Индија влезе во најголемото заклучување во светот за да го забави ширењето на ковид-19, учениците денеска се вратија на училиште во државата Махараштра, што претставува знак за обновување на нормалниот живот бидејќи стапките на инфекција паѓаат.
Препорачано
Дневните инфекции со коронавирусот во Индија се зголемија за помалку од 10.000 трет ден по ред, ниво последен пат забележано кон крајот на декември пред брзото ширење на варијантата омикрон, покажаа податоците од Министерството за здравство, пишува Ројтерс.
Минатата недела, државниот министер на Махараштра, Адитја Такереј, рече дека училиштата во најголемиот град во државата, Мумбаи, ќе го продолжат присуството како пред ковид, враќајќи ги сите активности со оглед на намалените случаи.
This afternoon, I held a meeting for schools in Mumbai to resume from March, with pre- covid timings, attendance, curricular & extra curricular activities, school buses, apart from certain essential covid appropriate norms, as cases steadily decline in Mumbai. (1/2) pic.twitter.com/RS2wP5uVYF
— Aaditya Thackeray (@AUThackeray) February 25, 2022
„Во суштина тоа е повеќе поврзано со видот на сериозноста што Индија ја виде, и кај возрасните и кај децата заразени со варијантата омикрон“, рече Ума Чандра Мули Натчу, професор по заразни болести на Институтот за истражување Свети Џон во Бенгалуру.
„Се чини дека болеста е значително полесна и за вакцинираните лица, како и за децата, дури и ако тие се невакцинирани“, рече Натчу.
756 милиони вакцинирани
Индија целосно вакцинираше повеќе од 765 милиони од 940 милиони возрасна популација и околу 28 милиони тинејџери на возраст од 15-18 години, но не почна да вакцинира деца помлади од 15 години.
Во родната држава на премиерот Нарендра Моди, Гуџарат, чаршиите се вратија во полн ек по долга пауза.
Луѓето почнаа да уживаат во вечерите и доцните ноќни закуски откако минатата недела се укина полицискиот час во популарниот Манек Чок во Ахмедабад, пазар што се претвора во центар за продавачи откако ќе зајде сонцето.
Животот се враќа во нормала и во останатите делови на државата. Патиштата и возовите повторно се преполни бидејќи луѓето се враќаат во канцелариите, во кината има зголемен интерес, а во градот Гуруграм во близина на главниот град Њу Делхи, рестораните и салите се преполни.
„Постои надеж дека луѓето ќе продолжат да одржуваат социјално растојание и да носат маски колку што е можно повеќе“, рече Рихо Џон, здравствен економист на Колеџот за општествени науки Рајагири во Кочи.
„Апсолутно нема причина да се држи економијата под било каков вид на заклучување или ограничувања – тоа е само аспектот на однесувањето на луѓето што треба да се набљудува и спроведе колку што е можно повеќе“, рече тој.
