Двајца Палестинци загинаа во израелски напад на Западниот брег

Двајца Палестинци загинаа денеска во израелски напад на Западниот Брег, соопштија палестинските здравствени власти.

Израелската армија објави дека војниците влегле во бегалскиот камп Нур Шамс, во близина на Тулкарм, за да уништат „команден центар на екстремистите и складиште за бомби во една зграда“.

Инженерските единици деактивирале неколку бомби поставени на патот, екстремистите отвориле оган и фрлале експлозивни направи, а војниците одговориле со боева муниција.

Палестинското Министерство за здравство ги идентификуваше двајцата убиени Палестинци.

При рацијата причинета е голема штета на патиштата и на една зграда.

Израелските рации, особено на северот на Западниот Брег, зачестија во изминатата година и половина, а целта е пресметка со палестинските екстремисти и спречување идни напади.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот