Две лица загинаа денеска во експлозија и пожар пред бензинска пумпа во централна Германија, соопшти полицијата.

Според еден од сведоците, експлозијата се случила околу пладне на бензинската пумпа во Хамерсбах, 40 минути возење североисточно од Франкфурт.

Пожарот бил забележан набргу потоа, јавува ДВ.

Според наводите, изгорените остатоци од две возила се уште биле на местoто и по неколку часа.

Полицијата соопшти дека едното тело било пронајдено во возилото, а другото во непосредна близина.

Јавните обвинители го повикаа вештакот да помогне во идентификувањето на жртвите, како и да се утврди што довело до инцидентот.