Рано утрово, струшката полиција примила пријава дека околу два часот по полноќ, 22-годишна девојка од Скопје била насилно внесена во автомобил и грабната во Струга, од страна на двајца киднапери, соопшти МВР.

Девојката, според полицијата, утрото се појавила во скопската болница „8 Септември“, каде побарала лекарска помош бидејќи била повредена.

„Во 04:30 часот во Полициската станица Струга било пријавено дека околу 2 часот на ул.„Маршал Тито“ во Струга, лицето А.Н. и уште едно лице со употреба на сила ја внеле С.Е.(22) од Скопје во патничко возило и заминале од местото. Во 09:11 часот во СВР Охрид, лекар од Градската општа болница „8 Септември“ во Скопје пријавил дека С.Е. побарала помош кај нив и ѝ биле констатирани телесни повреди. Се преземаат мерки за расчистување на случајот“, пишува во полициското соопштение.