Двајца луѓе попладнево се изгубиле под Пелистер, во тек е голема потрага
Двајца луѓе попладнево се изгубиле околу врвот Неолица над Битола, по што телефонски пријавиле во битолската полиција дека се дезориентирани во просторот и дека залутале далеку од пешачката патека.
Препорачано
Полицајци и екипи на Центарот за управување со кризи, Горската служба и Дирекцијата за заштита и спасување започнале потрага по изгубените.
Тимови за потрага и спасување се излезени на терен, воспоставен е телефонски контакт со изгубените лица и добиени се информации за нивно последно движење како претпоставена локација, но за жал батериите и на двата телефонски апарати им се комплетно испразнети, а последната комуникација на службите за потрага на терен со лицата е објавена пред околу еден час, информираат надлежните, кои додаваат дека без оглед на неможноста за контакт со изгубените лица, потрагата трае.
Центарот за управување со кризи останува и понатаму во комуникација со тимовите вклучени во потрагата, како и СВР Битола.
