Тешка сообраќајна несреќа се случи попладнево во близина на Св. Антон, недалеку од Копер во Словенија.

41-годишен возач од Босна со камионот со голема брзина удрил во возилото на колегата пред него, кој бил од Копер, на возраст од 40 години. Превртениот камион паднал на страна и удрил во куќа и капела покрај патот, кои се целосно урнати.

Двата камиона се во сопственост на иста компанија од Копер.

Возачот на удрениот камион и неговиот 45-годишен сопатник од околината на Копер се тешко повредени и двајцата се во болницата во Изола. Лекарите се борат за животот на едниот од пациентите. Пожарникарите морале да го извлекуваат возачот од згмечената кабина, пренесува Индекс.

Во вториот камион, возачот е полесно повреден, а неговата 44-годишна сопатничка од Босна и Херцеговина е тешко повредена. Во несреќата учествувал и автомобил управуван од 38-годишна жена од Копер со шестгодишна сопатничка. И двајцата се полесно повредени.

Во моментот на ударот во куќата немало никого, но материјалната штета била голема.