Министерството за здравство информира дека поради дефект на еден од компресорите во тек на два дена беше одложен елективниот програм а не итните случаи за операција на пациенти во Клиничкиот центар „Мајка Тереза“.

-Не е точна информацијата за наводен колапс на Клинички центар. Се работи за дефект на еден од компресорите поради што многу инструменти зависат од притисок кој го генерираат пумпите, затоа во текот на два дена елективниот програм, а не итните случаи беа одложени. Проблемот е саниран, а со кислородот немало никаков дефект. Во вторникот е реализирана средба со директорите на ГОБ „8 Септември“, ТОАРИЛУЦ, Клиниката за дигестивна хирургија, КАРИЛ, каде што се постигна усогласување и во тек е усвојување план како ќе се одвива кохортација на пациенти кога ќе почне реновирањето на КАРИЛ, велат оттаму.

Компресорската станица требало да биде променета уште пред три години. Во тек се активности на министерот за здравство за проверка на сите компресорски станици во Клинички центар и брзо ќе се пристапи кон промена на сите компресори кои се дотраени.

Апелираме јавноста да се информира исклучиво од Министерството за здравство, а информациите да не се злоупотребуваат од политички партии со цел прибирање политички поени, додаваат од Министерството.