Шипинката и невенот се познати по тоа дека се природен лек за многу здравствени проблеми. Ова темно црвено овошје е во широка употреба во алтернативната медицина, а може да се нарече и суперхрана во светот на нутриционизмот поради високата содржина на железо и витамини.

Шипинката е особено добра како природен лек за ревматоиден артритис. Со редовното консумирање шипинка, се зголемува подвижноста за 20 до 25 отсто. Притоа, ја ублажува и болката.

Природата сега е полна со цветови од невен. Нивните состојки имаат противвоспалително, антисептично дејство, ги ублажуваат грчевите, дејствуваат на запирањето на крвавењето, го забрзуваат заздравувањето на раните, го зајакнуваат имунитетот.

Екстрактот од цветот од невен покажува и антитуморна активност. Во народната медицина се користи во терапијата на чир на желудникот и на дванаестпалачното црево, кај нарушувањата на менструалниот циклус и болните менструации, кај хемороидите, проширените вени, егземите и воспалителните процеси на кожата.