Од Министерството за здравство попладнево информираат дека Државниот санитарен и здравствен инспекторат, согласно надлежностите, ќе изврши вонреден инспекциски надзор во врска со случајот со починатото седуммесечно бебе на Детската клиника во Скопје.

– Во врска со случајот со починатото седуммесечно бебе, донесено синоќа на Клиниката за детски болести, од Клиниката информираат дека било примено под сомнение за сериозен синдром со прогресивен тек, што предизвикал оштетување на повеќе органи, за жал состојбата на бебето се влошила и покрај максималните напори на медицинскиот персонал, по што настапило рапидно влошување на состојбата. Се очекува да биде извршена обдукција, по што ќе бидат точно утврдени причините за смртта, велат од МЗ.

Министерството изразува сочувство до семејството и најблиските за загубата.

Претходно, директорот на Клиниката, Реџеп Мемеди во изјава за МИА појасни дека бебето било со генетски проблем и имало оштетени повеќе органи.

Според Мемеди, биле запазени сите процедури и третмани и во случајот нема лекарска грешка. Тој вели дека се работи за неоснован притисок врз Клиниката и врз здравствениот персонал во оваа институција.

Телото на бебето било пратено на обдукција на Патологија.

Драма на Детската клиника: Нема дежурен доктор во амбуланта, директорот казнет со 1.200 евра