„Кога го снимав филмот „Лоши девојки“, имав само 16 години и бев толку будала“, рече Дру Баримор за време на една епизода од нејзиното шоу, во кое учествуваше и нејзината колешка, Енди Мекдауел.

Актерката Енди Мекдауел (66) тогаш одговорила дека е навистина добра и убава, а Баримор потоа размислувала за улогата во целина и ја истакна нејзината важност во 1990-тите, пишува магазинот „Пипл“.

„Секогаш им кажувам на сите дека овој филм ми го промени животот. Да не го снимав, немаше да седам овде денес“, изјави водителката и актерка.

„Лоши девојки“ е објавен во 1994 година и во режија на Џонатан Каплан, е вестерн кој следи четири проститутки; Коди (Медлин Стоу), Анита (Мери Стјуарт Мастерсон), Ајлин (Мекдауел) и Лили (Баримор). Нивната четиричлена група, позната како „Хонки-Тонк блудници“, подготвува план да замине во потрага по подобар живот, но двајца детективи почнуваат да ги ловат.

„Тоа е филм кој ми покажа дека ако се грижиш за нешто, мора да се вклучиш без разлика на се. Никогаш порано не сум глумела во ваков филм, па тоа на некој начин ми беше искуство за учење. Тие филмски сетови беа многу едукативни и ме научија како функционира сè, иако тоа беше искривено, бизарно и на некој начин надреално искуство“, објаснила актерката во својата емисија.

Таа забележува дека нејзиниот живот фундаментално се променил, а промените настанале од самиот момент кога почнала да го снима филмот со својот гостин во емисијата.

Ова не е прв пат Баримор повторно да се соедини со нејзините колешки од „Лоши девојки“ на снимањето на нејзиното шоу. Минатата година во јануари, таа ги пречека колегите Мекдауел и Мастерсон.